Tahire Berrak

Həsrətini çəkən gözüm önündə

Sənli xatirələr yenə qonaqdır

Xəyala dönmüsən indi atacan

Cansız kölgən belə mənə uzaqdır

Təkcə solğun şəklin qalıb əlimdə

Adın da nəğməyə dönüb dilimdə

Doğma qucağından ayrı düşəli

Daha qabar əlin gəzmir telimdə.

Niyə sevinc gedib qəmi gətirib?!

Könül gülşənimdə tikan bitirib

Dünən oyuncağın itirən bu qız

Əsl qəhramanın bu gün itirib.